Baba-drama ná TV-liefde
2010-04-30 11:32
Kaapstad - Sharon Berrington, daardie pragtige donkerkop met die wakker oë wat Jurie van Zyl se hart in die eerste reeks van Boer Soek ’n Vrou gesteel het, is dalk nou bitter jammer dat sy ooit vir die gewilde TV-program ingeskryf het.
Hul verhouding is nou glo op die rotse nadat Sharon verwagtend geraak het, berig Huisgenoot.
In Boer Soek ‘n Vrou was die 30-jarige skaap-en-beesboer ’n ware heer, sjarmant met die vroue en vol komplimente vir Sharon.
TV-kykers het gesien hoe verlief en gelukkig sy en haar boer saam is. Sharon (28) het nie geskroom om uit te basuin dat hy haar trouman is nie, en sommer ook dat “ons dieselfde daaroor voel”.
Maar waar Sharon destyds gedink het Jurie is haar trouman, dreig hy haar nou omdat sy swanger is.
Geskokte vriende het aan Huisgenoot vertel dat hul verhouding stormagtig was en na bewering het Jurie selfs vir Sharon gevra om ‘n aborsie te kry.
Vir meer besoek www.huisgenoot.com.
Volg Nuus24 op Twitter