Seun (2) glo deur stiefpa doodgekap

2013-01-28 06:58

Johannesburg – 'n Tweejarige seun is vermoedelik in Jouberton naby Klerksdorp doodgekap, het die polisie in die Noordwes Sondag gesê.

Ao. Sam Tselanyane het gesê die kind se lyk is Sondag in 'n plastiekemmer in 'n toilet gevind.

"Die kind het ernstige kopbeserings opgedoen en sy skedel is gekraak."

Tselanyane het gesê die kind se ma en haar 25-jarige kêrel het Vrydagaand by 'n taverne gestry. Hulle het die taverne verlaat, waarna die vrou na haar bure se huis gegaan het.

Die man het haar weer aangeval en sy het toe na haar ouma se huis gevlug.

"Die kind was heeltyd by hom en toe hy Saterdag uitgevra is oor waar die kind is, het hy gesê die kind is in 'n emmer in die toilet," het Tselanyane gesê.

Die kind is op die toneel dood verklaar.

"Die verdagte is in hegtenis geneem en sal aangekla word van moord. Hy sal na verwagting Maandag in die Klerksdorp-landdroshof verskyn."

– Volg Nuus24 op Twitter

- SAPA