Atleet erg aangerand in Pta

2013-02-04 10:40

Pretoria – 'n Pretoriase atleet sterk aan in die hospitaal nadat 'n groep dronk universiteitstudente hom na bewering erg aangerand het, berig Eyewitness News.

Wilfred Hurwitz het harsingskudding opgedoen, van sy tande verloor en sy neus is gebreek nadat hy Vrydagoggend kort voor sonopkoms in Brooklyn aangerand is.

Hoewel die motief vir die aanranding nog onbekend is, glo Hurwitz dat hy weens sy voorkoms geteiken is. Meer as 80% van sy lyf is vol tatoeëermerke.

Hurwitz het gesê hy het sowat 18 km ver gehardloop toe 'n bakkie vol studente omdraai en hom nader.

"Die bestuurder en 'n insittende het in Afrikaans aan my gesê hulle gaan my slaan."

Hurwitz het gesê hy het hom voorberei vir 'n geveg, maar is van agter met 'n baksteen geslaan.

'n Saak van aanranding word deur die polisie in Brooklyn ondersoek.

– Volg Nuus24 op Twitter