Anika-verdagte kry borg

2010-05-19 14:39

Mia Willemse, Beeld

Borgtog van R10 000 is toegestaan aan die gewese vriend van Anika Smit wat Woensdag in die Pretoria-Noordse landdroshof verskyn het in verband met haar moord.

Verskeie borgtog-voorwaardes geld.

Dit was die eerste keer dat Nico Venter in die hof verskyn het nadat hy Maandag aangekeer is.

Vroeër Woensdag is die sowat 60 tot 80 mense wat die Anika-saak in die hof bygewoon het deur die polisie uit die hofsaal geneem om individueel deursoek te word vir hul eie asook die beskuldigde se veiligheid.

'n Groot groep van die beskuldigde se familielede was by die hof.
 
Almal se sakke is vir onder meer wapens deurgesoek voordat hulle weer in die saal toegelaat is.

'n Gespanne atmosfeer het geheers  - onder meer nadat 'n bejaarde man gedreig het om die beskuldigde "se keel af te sny".

Gee jou mening oor hierdie gesprek - lewer hieronder kommentaar