Amptenare afgedank ná selfmoord
2009-11-09 16:50
Johannesburg - Twee amptenare van die departement van binnelandse sake in Pinetown is afgedank nadat ‘n man selfmoord gepleeg het toe sy aansoekvorms vir 'n identiteitsdokument glo opgeskeur is.
"’n Dissiplinêre verhoor het na die selfmoord-voorval gevolg waartydens daar besluit is om hulle te ontslaan,” het Nkosazana Dlamini-Zuma, die minister van binnelandse sake op ‘n besoek aan dié departement se kantore in Pinetown gesê.
“Hulle mag egter aansoek tot appèl doen,” het sy gesê.
Skhumbuzo Nhlongo (22) het in Augustus, kort na die voorval, selfmoord gepleeg.
Dlamini-Zuma het gesê die mense van die land het ‘n grondwetlike reg tot kwaliteit dienslewering van amptenare in die departement van binnelandse sake.
Sy het ‘n beroep op die publiek gedoen om nie drastiese stappe te neem in só ‘n geval nie.
- Sapa