Amplats-werkers staak oor moontlike werksverlies

2013-01-16 08:05

Johannesburg – Werkers by die wêreld se top-platinummyn, Anglo American Platinum, het geweier om by die werk aan te meld nadat hul werkgewer gewaarsku het hy sal 14 000 mense afdank as deel van sy herstrukturering.

Dit volg nadat die myn aangekondig het dat hy vier van sy skagte in Suid-Afrika gaan sluit. Sowat 14 000 mense kan hul werk verloor, waarvan 13 000 van dié poste in Rustenburg alleen verlore kan gaan.

“Daar sal geen aandskof, geen oggendskof wees voordat ons ‘n ooreenkoms bereik nie,” het Gaddhafi Mdoda, ‘n verteenwoordiger van die mynwerkers, gesê.

Die minister van minerale hulpbronne, Susan Shabangu, het vroeër die myn gekritiseer omdat sy bestuur nie die regering geraadpleeg het oor sy planne om werkers af te dank nie.

Volg Nuus24 op Twitter  

- SAPA