Ambulansman wat verkrag sy werk kwyt
2010-10-28 15:00
Kaapstad – ‘n Ambulansbestuurder van die Oos-Kaapm, wat glo die ma van ‘n kind wat hy na die hospitaal geneem het, verkrag het, is afgedank, het die provinsie se departement van gesondheid Donderdag gesê.
Die afdanking volg nadat die man skuldig bevind is in ‘n dissiplinêre verhoor, het woordvoerder Sizwe Kupelo gesê.
Die man staar nog kriminele klagtes in die gesig.
Die bestuurder is verlede maand geskors nadat Phumulo Masualle, die Oos-Kaapse LUR vir gesondheid, uitgevind het dat die vrou in Februarie ‘n klag by die departement ingedien het.
In plaas daarvan dat daar opgetree is, het die vrou anonieme oproepe begin ontvang waarin sy gewaarsku is om die klag te laat vaar.
Die vrou het saam met haar siek kind van Grahamstad na Port Elizabeth gery, toe die beweerde verkragting glo plaasgevind het.
Volg Nuus24 op Twitter
- SAPA