Agterplaasbewoners vas ná onwettige betoging

2012-01-27 23:04

Kaapstad – Ses-en-dertig mense is in hegtenis geneem na 'n onwettige betoging deur 'n groep agterplaasbewoners in die Kaapse Skiereiland om huise te eis.

Die groep het probeer om die Rondebosch Meent in die Kaapse suidelike voorstede te beset.

Die polisie het waterkanonne ingespan om die groep uiteen te jaag.

Hulle sê hulle word gedwing om in haglike omstandighede te woon terwyl die owerheid niks aan hulle probleme doen nie.

Volgens Andre Traut, 'n polisiewoordvoerder, is 'n man in Manenberg in hegtenis geneem omdat hy aan 'n onwettige betoging deelgeneem het.

Vyf-en-dertig ander betogers is later in Mobray vasgetrek.

Hulle sal in die hof verskyn wanneer hulle aangekla word. 

– RSG.

– Volg Nuus24 op Twitter.