Agt in hof vir onwettige oorplantings
2010-11-23 11:21
Johannesburg – Agt mense, insluitende twee dokters, sal na verwagting Dinsdag in die Durbanse streekshof verskyn in verband met onwettige orgaanoorplantings by Netcare KwaZulu-Natal (NKZ).
Dagvaardings is in Oktober aan die vier chrurge, ‘n dokter, ‘n vertaler en twee voormalige werknemers van Netcare, uitgereik.
Dit volg nadat NKZ verlede maand skuldig bevind is aan aanklagte wat verband hou met onwettige oorplantings.
Hulle het skuld erken en ‘n R4 miljoen boete ontvang.
NKZ het 100 aanklagte in die gesig gestaar, insluitende dat die hospitaal se werknemers niere op onwettige wyse tussen 2001 en November 2003 bekom het.
Hulle is ook daarvan aangekla dat hulle oorplantings gedoen het waar vyf van die skenkers kinders was. Hulle is vir die operasies betaal.
Mense, hoofsaaklik Brasiliane, is so min as R42 000 betaal om hul niere aan Israeliese pasiënte te skenk.
Dr. Richard Friedland, Netcare se uitvoerende hoof, is daarvan beskuldig dat hy bewus was van die onwettige oorplantings en dat hy toegelaat het dat dit voortgaan.
Aangesien NKZ skuldig gepleit het, is die aanklagte teen Friedland onvoorwaardelik teruggetrek.
Nie een van persone wat Dinsdag in die hof verskyn het werk nog vir Netcare nie.
Volg Nuus24 op Twitter
- SAPA