Agt beseer in ongeluk op N3
2010-07-13 02:45
Johannesburg – ‘n Vragmotorbestuurder is in ‘n kritieke toestand en sewe ander mense is beseer ná ‘n ongeluk Maandagaand op die N3 in Durban, het paramedici gesê.
Volgens Derrick Barnes, woordvoerder van ER24 was twee vragmotors en ses motors in die ongeluk betrokke wat naby die Pavillion-winkelsentrum gebeur het.
Die oorsaak van die ongeluk is nog nie bekend nie.
Meganiese kake moes gebruik word om die vragmotorbestuurder te bevry, het Banks gesê.
Die beseerdes het twee kinders tussen die ouderdomme van ses en agt ingesluit.
- Volg Nuus24 op Twitter.
- SAPA