Agt OTM-rowers vas
2011-07-29 23:02
Johannesburg – Agt mans is van drie verskillende provinsies
is in verband met die opblaas van ‘n OTM-masjien in Rustenburg in hegtenis
geneem.
Hulle is Donderdagaand in Mpumalanga, Gauteng
en Rustenburg in hegtenis geneem, het polisiebeampte Lesego Metsi in ‘n verklaring
gesê.
Die agt mans het die 20ste Mei ‘n OTM by ‘n
winkelsentrum in Tlhabane, Rustenburg, opgeblaas.
Die polisie het op die motor wat die rowers
gebruik het om mee weg te jaag afgekom en het twee van die verdagtes se
vingerafdrukke in die motor gevind.
Een van die ander verdagtes het die vuurwapen
wat tydens die rooftog gebruik is in sy besit gehad.
Die agt verdagtes sal Maandag in die Tlhabane
Landroshof verskyn.
Volg Nuus24 op Twitter.
- SAPA