Agliotti-verhoor wéér uitgestel oor stakings

2010-08-19 12:01

Johannesburg – Die verhoor van die moord-beskuldigde Glenn Agliotti is Donderdag weer by die hooggeregshof in Johannesburg as gevolg van landswye stakings deur openbare dienswerkers vertraag.

Regter Frans Kgomo het die verhoor voorwaardelik tot Dinsdag 24 Augustus uitgestel.

Hy het die staatsgetuie van MTN, Hilda de Plessis, aangesê om te wag totdat sy van die staat gehoor het voordat sy weer hof toe gaan.

Kgomo het weereens om verskoning gevra en gesê dat die kwessie buite die hof se beheer is.

‘n Handjievol stakende hofwerkers het kort voor 10:00 buite die hof betoog, maar die groep het vinnig opgebreek.

Volg Nuus24 op Twitter


 

- SAPA

Gee jou mening oor hierdie gesprek - lewer hieronder kommentaar