Afrika leen miljarde aan Eskom
2009-11-26 20:41
Kaapstad – Die Afrika-ontwikkelingsbank (AfDB) het Donderdag ’n lening ter waarde van €1.86 biljoen (R21 miljard) aan Eskom toegestaan om ’n kragprojek te finansier wat Suid-Afrika en die energiekapasiteit van Suider-Afrika ’n aansienlike hupstoot sal gee.
“Suid-Afrika se kragkrisis was tot dusver ‘n groot struikelblok vir Afrika se ekonomie,” het Donald Kaberuka, die president van AfDB Donderdag luidens ‘n verklaring gesê.
“Die bank is bly om by die projek betrokke te wees."
"Die handeling moet gesien word as deel van die bank se volgehoue poging om Afrika te help om die gaping in die infrastruktuur van die land te oorbrug,” het hy gesê.
Die Medupi-kragtasie wat in Limpopo geleë is, sal na verwagting teen 2012 in werking tree.
Buiten Medupi, is Eskom besig met talle ander herwinbare energieprogramme.
In totaal beloop die koste van die projek sowat €11.19biljoen (R 126 miljard).
Dit sal grootliks deur ekwiteitskapitaal (53%) gefinansier word en sowat 47% deur lenings.
- Sapa