AfriForum kla oor Fifa-advertensie
2010-04-21 18:02
Johannesburg – AfriForum het amptelik ‘n klagte by die gesagsowerheid vir reklamestandaarde (ASA) ingehandig nadat advertensies vir die 2010 Fifa Wêreldbeker-sokkertoernooi glo verkeerdelik na Bloemfontein en Pretoria verwys het as Mangaung en Tshwane.
Volgens AfriForum is die advertensie misleidend omdat dit wil laat blyk dat Bloemfontein en Pretoria se name verander is.
Kallie Kriel, uitvoerende hoof van AfriForum, is van mening dat hulle aansoek suksesvol sal wees omdat AfriForum voorheen ‘n soortgelyke klagte ingedien het wat positiewe resultate opgelewer het.
“AfriForum wil hê die Wêreldbeker-sokkertoernooi moet suksesvol wees,” het Kriel gesê.
Hulle is egter teleurgesteld in Fifa se plaaslike reëlingskomitee omdat hulle hierdie geleentheid gebruik om die pogings te bemark om die name van Bloemfontein en Pretoria te verander.
- Nuus24