Advokaat in hof vir dronkbestuur
2012-02-22 13:30
Johannesburg – ‘n Voormalige Wes-Kaapse waarnemende regter het in die hof verskyn weens aantygings van dronkbestuur, lui ‘n berig.
Adv. Robert McDougall het Dinsdag in die Wynberg-landdroshof verskyn nadat sy bloedalkoholvlak na bewering vier keer meer as die wettige perk was, het The Star Woensdag berig.
McDougall (66) is meer as ‘n jaar gelede ook vir beweerde dronkbestuur in Bergvliet afgetrek.
Hy het in November met ‘n gholfkarretjie teen Jeanette Traverso, Wes-Kaapse adjunk-regter-president, vasgery terwyl sy ‘n potjie gholf by die Royal Cape Golf Club gespeel het.
Traverso se pelvis en skouer is in die ongeluk gebreek. Sy het ook ‘n aantal interne beserings, insluitende ‘n gat in een van haar longe, opgedoen.
McDougall het later gesê dit was ‘n fratsongeluk.
Volg Nuus24 op Twitter
- SAPA