Adv. Barbie uit op borgtog
2010-02-24 17:17
Pretoria – Cézanne Visser, ook bekend as “Advokaat Barbie”, het Woensdag slegs sowat ‘n uur en ‘n half agter tralies deurgebring, voordat sy weer op borgtog vrygelaat is.
Dit het gevolg nadat sy tot sewe jaar tronkstraf gevonnis is nadat sy skuldig bevind is aan seksdade wat sy saam met haar voormalige kêrel Dirk Prinsloo aan jong vroue en kinders gepleeg het.
Waarnemende regter Chris Eksteen het Visser se aansoek tot appèl in die hooggeregshof in Pretoria geweier.
Nietemin het hy haar op borgtog vrygelaat, hangende die uitkoms van haar aansoek vir appèl aan die appèlhof.
Haar borgtog is opgestoot van R5 000 na R10 000 en sy moes haar paspoort aan die aanklaer oorhandig.
Indien die appèlhof haar aansoek van die hand wys, sal Visser binne 48 uur aan die registrateur van die hooggeregshof moet rapporteer om haar sewe jaar tronkstraf te begin uitdien.
- Sapa