Adv. Barbie gaan huis toe
2009-12-08 14:40
Pretoria - Die voormalige advokaat Cézanne Visser, oftewel adv. Barbie, gaan Kersfees by die huis wees en sal eers volgende jaar hoor of sy tronk toe gaan.
Waarnemende regter Chris Eksteen het Visser se verhoor op aanvraag van haar advokaat, Johann Engelbrecht SC, tot 8 Februarie 2010 uitgestel.
Engelbrecht het gesê van hul getuies is nog nie gereed om te getuig nie.
Die regter het gesê hy sal nie verdere vertragings toelaat nie omdat Visser reeds skuldig bevind is.
Visser is in Oktober skuldig bevind op 11 van die 14 aanklagtes teen haar.
Sy het onder meer tereggestaan op aanklagte van onsedelike aanranding, besit en vervaardiging van kinderpornografie en aktiewe deelname in seksuele aktiwiteite by haar minnaar, Dirk Prinsloo, se huis.
– Sapa