Adjunkminister van polisie se huis beroof
2010-06-29 05:14
Johannesburg – Fikile Mbalula, die adjunkminister van polisie, se huis in Pretoria is die afgelope naweek beroof, berig die koerant The Star.
Mbalula was in Kaapstad tydens die rooftog.
Besittings, insluitend ‘n LCD-televisie, is by sy huis in Waterkloof glo gesteel.
Die adjunkminister het verlede week sy besittings na die huis toe getrek.
Hy en sy familie het nog nie ingetrek nie.
“Ons het die saak in die hande van die Brooklyn-polisie gelos,” het Paena Galane, Mbalula se woordvoerder, aan die koerant gesê.
Volg Nuus24 op Twitter.
- SAPA