Aanvallers skiet man, brand sy huis af
2010-08-13 01:38
Johannesburg – ‘n Man is by sy huis in Lusikisiki in die Oos-Kaap doodgeskiet nadat hy deur twee mans aangeval is, het polisie Donderdag gesê.
Die man (55) was glo by die huis saam met sy vrou en vier kinders.
“Die aanvallers het die man menigte kere geskiet en toe die huis aan die brand gesteek,” het kapt. Mduduzi Godlwana gesê.
Die man se vrou en kinders is ongedeerd gelaat.
“Die rede vir die aanval is nie bekend nie, maar die aanvallers was duidelik agter die man aan omdat hulle sy vrou en kinders niks aangedoen het nie,” het Godlwana gesê.
Geen inhegtenisname is al gemaak nie.
Volg Nuus24 op Twitter.
- SAPA