Aanrandingsaak teen akteur 'n 'misverstand'

2013-02-18 15:53

Johannesburg – Bewerings van aanranding teen 'n Johannesburgse akteur is bloot 'n misverstand, het sy prokureur Maandag buite die Roodepoort-landdroshof gesê.

"Dit was net 'n misverstand. Daar was geen geweld betrokke nie," het  Lehlohonolo Adonisi gesê.

Adonisi het gesê Rapulane Seophemo, 'n voormalige Generations-akteur, en sy vriendin het buite die hof geskik.

Die akteur is Saterdag in hegtenis geneem nadat hy volgens die polisie glo sy meisie tydens 'n rusie geklap het.

Adonisi het gesê dit is 'n jammerte dat die saak in die hof beland het, want sy kliënt is nie 'n gewelddadige man nie.

Hy het gesê die paartjie is steeds in 'n verhouding.

– Volg Nuus24 op Twitter

- SAPA