ANCYL 'vind reeds rede tot appèl'
2011-11-10 18:07
Johannesburg – Die ANC-Jeugliga (ANCYL) het gesê daar is reeds ‘n argument gevind om te appelleer teen die skorsing van die liga se leierskap Donderdag.
Die feit dat die liga nie versagtende omstandighede kon bied voor die skorsings nie, is genoeg rede om te appelleer, het Sindiso Maqaga, sekretaris-generaal, gesê.
“Dit is een van die mees basiese en primêre regte wat aan enige persoon wat in enige forum aangekla word, gebied kan word. Selfs die mees geharde misdadigers beskik oor hierdie basiese reg,” het hy in ‘n verklaring gesê.
“Terwyl die ANCYL [se nasionale uitvoerende komitee] steeds die beslissing moet oorweeg, is heirdie fout in prosedure op sigself ‘n goeie rede tot appèl.”
Die liga het reeds formeel protes in hierdie opsig aangeteken, het Maqaga gesê.
Die ANC se nasionale dissiplinêre komitee het Donderdag die skorsing van Malema en vyf ander leiers van die ANCYL aangekondig nadat hulle op verskeie aanklagte skuldig bevind is.
Volgens Maqaga sal die liga se NUK oor die naweek vergader om die pad vorentoe te bespreek.
- Volg Nuus24 op Twitter
- SAPA