ANCYL vergader oor Malema-skorsing
2012-02-09 12:00
Johannesburg – Die ANC-jeugliga (ANCYL) se nasionale uitvoerende komitee (NUK) gaan ‘n vergadering hou om Julius Malema se skorsing te bespreek.
Eyewitness News berig die NUK sal Donderdag vergader om vas te stel hoe om teen die bekragtiging van Malema se skorsing te reageer.
Die geskorste leier sal Vrydag vir die eerste keer sedert Saterdag se besluit om sy skorsing te bekragtig, by die ANCYL se jaarlikse lekgotla ‘n toespraak lewer.
Een van die belangrikste besluite wat die liga oor die volgende paar dae moet maak, is om vas te stel wie die ANCYL se leierskap sal oorneem.
Malema en ander leiers van die ANCYL is in November 2011 daaraan skuldig bevind dat hulle die regerende party in oneer gebring en verdeeldheid in die ANC gesaai het.
Lees meer hier
Volg Nuus24 op Twitter