ANCYL-ondersteuners betoog met houtgewere
2011-08-31 11:52
Johannesburg – ‘n Groep ondersteuners van die ANC-jeugliga (ANCYL) het pas in die Johannesburgse middestad opgedaag.
Hulle het gesing en gedans ter ondersteuning van hul leier, Julius Malema, wie se dissiplinêre tugverhoor vandag voortduur.
Sapa berig talle ondersteuners het T-hemde gedra met oudpres. Thabo Mbeki, wat destyds deur die ANC ontsetel is, se gesig op.
@ewnupdates het op Twitter bekendgemaak dat talle ondersteuners met houtgewere opgedaag het om Malema te ondersteun.
Volgens polisiebeamptes is nog mense op pad.
‘n Gedeelte van Presidentstraat is gesluit nadat ANCYL-ondersteuners na Beyers Naudé-plein opgeruk het.
Opstandige ondersteuners het Dinsdag verwoesting in die strate van Johannesburg gesaai.
Kliek hier om meer oor Dinsdag se gebeure te lees.
Volg Nuus24 op Twitter.
- Nuus24