ANCYL kan tot middernag appelleer
2011-11-24 17:12
Johannesburg – Die leiers van die ANC-jeugliga het tot middernag kans om hul aansoek om appèl by die ANC se nasionale appèlkomitee in te dien.
"Vandag (Donderdag) is die laaste dag wat hulle kan appelleer. Ons verwag dat hulle enige tyd vandag die appèl inhandig," het Keith Khoza, woordvoerder van die ANC, gesê.
Die begin van die appèlproses is afhangend van die beskikbaarheid van die lede van die appèlkomitee
Khoza het gesê die appèlproses sal waarskynlik volgende week begin.
Julius Malema, omstrede leier van die jeugliga (ANCYL), Floyd Shivambu, woordvoerder van ANCYL, Ronald Lamola, adjunkleier van die jeugliga, Sindiso Magaqa, sekretaris-generaal, Kenetswe Mosenogi, adjunk-sekretaris-generaal, en Pule Mabe, tesourier-generaal, is skuldig bevind en twee weke gelede deur die ANC se nasionale tugkomitee (NTK) geskors.
Malema is vyf jaar geskors en beveel om sy pos as president van die jeugliga te ontruim en Shivambu is drie jaar geskors en ook gesê om sy pos te ontruim.
Die ander vier leiers vir elk twee jaar geskors. Die skorsing is opgeskort vir 'n tydperk van drie jaar.
Die jeugliga sal na verwagting aanvoer dat hy onafhanklik van die ANC is en dat die NTK op die liga se “ou” grondwet staat gemaak het toe die vonnisse opgelê is.
– Volg Nuus24 op Twitter
- SAPA