ANCYL: Laat Selebi-uitspraak 'n les wees
2010-07-04 05:37
Johannesburg - Die uitspraak van die voormalige polisiekommissaris Jackie Selebi moet 'n les wees vir die ANC en sy alliansieleiers wat die wet verontagsaam, het die ANC-jeugliga Saterdag gesê.
"Die ANCYL hoop die uitspraak is 'n les vir baie leiers van die ANC, alliansie en alle leiers in Suid-Afrika. As jy die wet verontagsaam kan dit jou beeld skend," het Floyd Shivambu, woordvoerder, in 'n verklaring gesê.
Die ANCYL het die uitspraak verwelkom, en gesê magtige politici wat die wet verontagsaam, gestraf kan word.
Shivambu het verder in die verklaring gesê die uitspraak het nie uitgewis wat Selebi in die struggle teen apartheid bereik het nie.
"Die skuldigbevinding van Jackie Selebi, wat een van ons eie is, vee nie die groot bydra uit wat hy aan die ANC en die struggle teen apartheid gemaak het nie."
Selebi is Vrydag in die Johannesburgse hooggeregshof skuldig bevind op aanklag van korrupsie en vrygespreek op aanklag van regsverydeling.
Hy sal na verwagting op 14 Julie in die hof verskyn vir vonnisoplegging.
Volg Nuus24 op Twitter
- SAPA