ANC wil 'onafhanklike media-appèltribunaal' hê
2012-01-31 15:21
Johannesburg – ‘n Onafhanklike media-appèltribunaal is die mees effektiewe manier om die drukmedia te reguleer, het die ANC Dinsdag gesê.
“Ons wil dit duidelik maak, ons maak voorspraak vir die onafhanklike regulering van die media, vry van die belange van kommersiële of politieke partye,” het Jessie Duarte, lid van die ANC se uitvoerende komitee, aan die kommissie vir persvryheid in Johannesburg gesê.
“Die ANC glo in onafhanklike regulering. Dit kan verskil as gevolg die interpretasie wat algemeen met ons voorstel verband hou. Daar word soms geïnterpreteer dat die media deur die staat gereguleer moet word.”
Die ANC se sekretaris-generaal, Gwede Mantashe, en die party se woordvoerder, Jackson Mthembu, was saam met Duarte by die openbare verhoor.
Mthembu het voorgestel dat die parlement dit moet oorweeg om ‘n onafhanklike liggaam in dieselfde afdeling as die kantoor van die openbare aanklaer en die Onafhanklike Verkiesingskommissie te skep.
“So ‘n liggaam moet nie ‘n gevestigde belang in die sakewêreld, politiek of die media self hê nie,” het hy gesê.
“Die ANC kan nie aan die parlement sê waarmee om vorendag te kom nie, slegs dat hulle iets moet vind wat alle Suid-Afrikaners tevrede sal stel.
Duarte het gesê die appèltribunaal is noodsaaklik, aangesien die drukmedia in haar opinie gedomineer word deur swak joernalistiek, onverantwoordelike verslaggewing, ‘n oneffektiewe media-ombudsman en ‘n tekort aan aanspreeklikheid.
Mthembu het gesê die tribunaal sal strawwe en sanksies teen ‘n agentskap of publikasie lê, ongeag van die erns van die oortredings.
“Met die Mediaraad en ombudsman is die aanname altyd dieselfde en die publikasie onttrek net die storie en vra om verskoning – ongeag van die erns,” het hy gesê.
“Ons wil nie iets hê wat teen die media is nie. Die struggle waaraan ons almal deelgeneem het, het vry media moontlik gemaak.”
– Volg Nuus24 op Twitter
- SAPA