ANC wil eers in 2013 debat voer

2012-11-21 18:00

Johannesburg – Die ANC is bereid om die mosie van wantroue in president Jacob Zuma in Februarie in die parlement te debatteer, het RSG Woensdag berig.

Die ANC se hoofsweep, Mathole Motshekga, het gesê dit sal ná die president se staatsrede gedoen word.

Hy sê die ANC-koukus hou vol dat die mosie nie op hierdie stadium dringend is nie.

'n Koukus-woordvoerder, Moloto Mothapo, het gesê die ANC is nie gekant teen lewendige debatvoering nie.

Hy sê die mosie is ernstig en kan nie oorhaastig aangepak word nie omdat dit verreikende gevolge vir die demokrasie en die land kan hê. 

Volg Nuus24 op Twitter.

– RSG