ANC wens matrieks geluk

2013-01-03 11:38

Johannesburg – Die ANC verwelkom die uitkoms van die matriekuitslae as ‘n uitstekende prestasie van die klas van 2012, het die party in ‘n verklaring gesê.

Luidens die verklaring het die matriekuitslae vir ten minste die afgelope vier jaar konsekwent verbeter.

Die regerende party het ook die departement van onderwys, die minister, ouers, onderwysers en studente gelukgewens met die uitslae.

'n Totaal van 73,9% van matriekleerders het die skooljaar in 2012 geslaag, het Angie Motshekga, minister van basiese onderwys, vroeër gesê.

Dié syfer is hoër as die 70,2% van leerders wat matriek in 2011 geslaag het.

Volg Nuus24 op Twitter 

- SAPA