ANC veg terug vir Potch
2013-01-11 11:24
Johannesburg – Die Noordwes-tak van die ANC soek na skuiwergate in die wet wat hom sal toelaat om sy burgemeester in die Tlokwe-munisipaliteit, wat Potchefstroom insluit, weer aan te stel, het Business Day Vrydag berig.
Die party hoop glo dat die aanstelling van die DA se Annette Combrink as burgemeester ongeldig verklaar kan word, omdat sy per selfoon haar benoeming aanvaar het.
"Sy het 'n SMS gestuur om die benoeming te aanvaar. Volgens ons regsadvies is dit nie geldig nie," het Lucky Tsagae, lid van die ANC se burgemeesterskomitee vir ekonomiese ontwikkeling, aan die koerant gesê.
Hy het gesê die party wag dat die speaker 'n raadsvergadering belê sodat die saak bespreek kan word.
'n Mosie van wantroue is in November teen die ANC-burgemeester Maphetle Maphetle ingestel. Combrink het hom vervang.
Kenny Morolong, die ANC se provinsiale woordvoerder, het aan Business Day gesê die party se provinsiale tak sal veg om weer beheer oor die munisipaliteit te verkry.
– Volg Nuus24 op Twitter.
- SAPA
