ANC soek nuwe taalbeleid
2012-12-21 08:28
Kaapstad – Die ANC het by die verkiesingskongres in Mangaung gesê hy wil verseker dat die aanleer van ‘n Afrika-taal in alle skole verpligtend is.
“Ons praat oor die amptelike tale,” het Joe Phahla, voorsitter van
die maatskaplike transformasie subkomitee, op die laaste dag van die kongres gesê.
"Sodra dit beleid
is, sal byvoorbeeld selfs n skool in Waterkloof 'n taal soos Tswana
moet aanbied."
Phahla het gesê die taal sal afhang van die gebied waar die skool geleë is. Sesotho sal byvoorbeeld in die Vrystaat aangeleer word.
Die minister van kuns en kultuur, Paul Mashatile, het gesê geen besluit is nog geneem oor die verpligte sing van
die volkslied in skole nie.
"Ons wil die sing van die volkslied
bevorder. Ons het dit nog nie verpligtend gemaak nie, maar in sommige
skole word dit reeds daagliks gesing."
Mashatile het ook gesê die
besluit is geneem dat die ANC die volledige volkslied voortaan by elke
vergadering sal sing om die voorbeeld te stel.
Die komitee het ook besluit dat alle kulturele praktyke wat nie met
die wet op menseregte ooreenstem nie, onwettig verklaar sal word.
Dit
sluit onder andere gedwonge huwelike in.
Volg Nuus24 op Twitter.
- SAPA
