ANC 'skors net die ergste' – Motlanthe
2011-11-08 22:58
Johannesburg – Die ANC skors tradisioneel slegs lede wat die party glo nie meer gerehabiliteer kan word nie, het adjunkpresident Kgalema Motlanthe Dinsdag gesê.
“Die benadering van die ANC is dat slegs dié wat nie kan verbeter nie, verlaat word,” het hy aan die parlement se Persgaleryvereniging gesê.
“Die party het die vertroue dat hy sy lede kan regstel. Binne die ANC is die filosofie dat mense altyd reggestel kan word deur hul swak punte te ondermyn en hul sterk punte te ondersteun,” het hy gesê.
“Sodra [die ANC] sy hande van jou was, word jy geskors, maar dit kom slegs op dit neer wanneer jy en ‘n klip saam in ‘n pot gesit word om gekook te word en die klip voor jou ryp en gereed om te eet word. Dan word jy geskors.”
Motlanthe het dié woorde gespreek soos die dissiplinêre verhoor teen Julius Malema, president van die ANC-Jeugliga, tot ‘n einde kom.
Die party se Nasionale Dissiplinêre Komitee sal na verwagting later vandeesweek of vroeg volgende week ‘n beslissing maak oor aanklagte teen Malema dat hy die ANC se grondwet oortree het.
- Volg Nuus24 op Twitter
- SAPA