ANC-segsman sál vervolg word
2010-03-18 12:01
Kaapstad - Die direkteur van openbare vervolging in die Wes-Kaap gaan die geldigheid van die sertifisering van die asemtoetser wat in die gebied gebruik word, ondersoek, het die nasionale vervolgingsgesag (NVG) Donderdag gesê.
"Die ondersoek kom nadat die Gautengse waarnemende direkteur van vervolging besluit het om die Dräger-toestel in daardie gebied op te skort,” het Mthunzi Mhaga, die woordvoerder van die NVG in ’n verklaring gesê.
Die verklaring, "NPA clears uncertainty on Drager machines in the Western Cape", het gesê die NVG is tevrede dat die asemtoetser wat in die Wes-Kaap gebruik word “behoorlik gesertifiseer ” is.
Die wettigheid van dié toestel het onder bestudering gekom, gevolg deur die inhegtenisneming van die ANC-woordvoerder, Jackson Mthembu in Kaapstad op ‘n klag van dronkbestuur.
Mhaga het gesê die oorspronklike toetse, gedoen deur die Suid-Afrikaanse Buro vir Standaarde (SABS), was onderwerp aan die “regulasies en wettige voorwaardes van die regering” wat toe nog van toepassing was.
"Ons is van mening dat die nuwe regulasies nog nie in werking was nie en voel daarom dat die oorspronklike en destydse toetsproses en sertifisering wat op die asemtoetsers gedoen is, steeds geldig is,” het hy gesê.
"Alle sake van dronkbestuur wat tans op ons hofrol is waar ons op die resultate van die Dräger-toestel staat maak, sal daarom voortgaan”’ het hy gesê.
-Sapa