ANC se nominasie-proses begin

2012-12-17 13:11

Bloemfontein – ANC-afgevaardigdes by die party se nasionale verkiesingskonferensie in Mangaung in die Vrystaat het klaarblyklik die geloofwaardigheid aanvaar van afgevaardigdes wat die party se topses-leiers gaan benoem, het RSG Maandag berig.

Dié stap bepaal die toon van die vyfdaagse-konferensie wat Sondag begin het.

Afgevaardigdes het ook besluit dat die Vrystaat en Noordwes se afgevaardigdes aan die konferensie kan deelneem en ook kan stem.

Die volg nadat ontevrede lede hofgedinge aanhangig gemaak het om afgevaardigdes van dié twee provinsies te verbied om aan die konferensie deel te neem.

Die party se uitvoerende komitee het vroeër besluit dat die Vrystaat kan stem maar dat hulle verkiesingskomtee nie aan die konferensie kan deelneem nie.

Die konferensie sal na verwagting ook die verkiesingskommissie bekragtig wat getaak is om die topses-posisies en die nasionale uitvoerende komitee te kies.

Volg Nuus24 op Twitter.

– RSG