ANC-raadslid betaal glo nie huur

2012-11-27 14:47

Johannesburg – 'n Johannesburgse ANC-raadslid woon al nege maande lank in 'n verpleegstershuis sonder om huur te betaal, het die DA Dinsdag gesê.

Nokuthula Xaba is deur die departement van gesondheid gedwing om te bedank.

Jack Bloom, Gautengse DA-koukus­leier, het gesê Xaba woon al nege maande lank in die verpleegstershuis.

"Dit is vandag deur Hope Papo, LUR vir gesondheid in Gauteng, bekend gemaak in reaksie op my vrae in die Gautengse wetgewer," het hy in 'n verklaring gesê.

"Volgens Papo huur sy drie kamers in die verpleegstershuis in Hospitaalstraat en het nog nie die maandelikse huur betaal nie."

Simon Zwane, woordvoerder van die Gautengse departement van gesondheid, het gesê hy aanvaar dat die LUR inligting oor Xaba bekend gemaak het.

Bloom het gesê Xaba is 30 dae kennis gegee om uit te trek en dat 'n plan gemaak sal word om die agterstallige huurgeld in te vorder.

Xaba is op 1 Maart vanjaar deur die departement gedwing om te bedank.

– Volg Nuus24 op Twitter

- SAPA