ANC kry taakspan vir Semenya
2009-10-05 18:52
Johannesburg- Die ANC het ‘n spesiale taakspan saamgestel om Caster Semenya en haar gesin by te staan.
“Die span sal gelei word deur die ANC se sekretaris-generaal, Gwede Mantashe, en sal ander lede soos Winnie Madikizela-Mandela en Manto Tshabalala-Msimang insluit,” het Jackson Mthembu, woordvoerder, gesê.
“Volgens die ANC is Semenya geviktimiseer en was sy die slagoffer van onnodige publieke uitbuitery,” het Mthembu gesê.
Mantashe sal Semenya en haar familie Dinsdag in Limpopo ontmoet.
“Dit sal ons toelaat om by die familie te hoor presies wat dit is wat hulle benodig,” het Mthembu gesê.
–Sapa