ANC in Oos-Kaap staan agter Motlanthe

2012-11-29 13:17

Johannesburg – Die ANC se tweede grootste streek in die land, die Oos-Kaap se OR Tambo, het sy steun aan adj.pres. Kgalema Motlanthe as leier van die party toegesê.

Die SABC berig pres. Jacob Zuma, wat reeds die steun van die land se grootste streek – eThekwini in KwaZulu-Natal – geniet, sou gemaklik in die eerste posisie wees indien die Oos-Kaap hom ook benoem het.

Die streeksvoorsitter, Thandekile Sabisa, het aan die openbare uitsaaier gesê die party onder leiding van Zuma het nie daarin geslaag om aandag te gee aan kwessies wat vyf jaar gelede by die Polokwane-konferensie in 2007 geopper is nie.

Sabisa sê verdeeldheid, die misbruik van staatsmag en swak dissipline is van dié kwessies.

Hy meen Motlanthe sal die waardigheid van die regerende party herstel.

Volg Nuus24 op Twitter

- SAPA