ANC hou spesiale erediens
2012-01-08 10:43
Bloemfontein – ‘n Gewyde atmosfeer heers in Bloemfontein waar 'n interkerklike erediens aan die gang is.
Sondagoggend se diens word in die Waaihoek Wesliaanse kerk – waar die ANC 100 jaar gelede gestig is – gehou.
RSG berig pres. Jacob Zuma woon nie die erediens by nie omdat hy voorberei vir sy rede wat hy Sondagmiddag by die Vrystaatse stadion lewer.
Die feesvieringe sal met 'n musiekskouspel afgesluit word. Kunstenaars sluit Selaelo Selota, Ihashi Elimhlophe, Zahara, Bhudaza, Big Nuzz, L'vovo, Spikiri, 340ML, Tidal Waves en Hotstix Mabuza in.
Intussen het David Cameron, premier van Brittanje, gesê die ANC is ‘n “baken vir die wêreld” in die stryd teen diskriminasie en onderdrukking, het die nuusagentskap AFP berig.
Zuma het die internasionale belangstelling in die ANC se eeufeesvieringe as 'n nederige ervaring beskryf.
Volg Nuus24 op Twitter