ANC-eeufees: drie vas vir onwettige laser
2012-01-08 18:13
Johannesburg – Twee mans en ‘n kind is naby Bloemfontein in hegtenis geneem nadat hulle lugvaartreëls oortree het, het die polisie Sondag gesê.
‘n 45-jarige man, sy 14-jarige seun en hul 22-jarige vriend is Saterdagaand in hegtenis geneem nadat hulle ‘n groen laserlig op helikopters gerig het wat by die Bloemfontein Lughawe en die Bloemspruit-lugmagbasis opstyg.
Die drie se inhegtenisname kom nadat die voornemende nasionale polisiekommissaris, lt. genl. Nhlanhla Mkhwanazi, Donderdag gesê het dat ‘n geen-vlieg-sone oor Bloemfontein verklaar is.
Die lugspasie in die omgewing sal gemonitor word tydens die ANC se eeufeesvierings oor die naweek.
“Geen vliegtuig sal hier oorvlieg en in die [Vrystaat-] stadion vasvlieg nie,” het Mkhwanazi gesê.
Die polisie sê die drie wat in hegtenis geneem is sal aangekla word in terme van Seksie 133 van die burgerlugvaart-wet.
“Die laserligte word as baie belangrik geag, wat dit kan potensieel ‘n vlieënier verblind en disoriënteer, wat daartoe kan lei dat die vliegtuig neerstort,” het kol. Vishnu Naidoo gesê.
Die drie sal na verwagting Maandag in die Bloemfontein-landdroshof verskyn.
– Volg Nuus24 op Twitter
- SAPA
