'ANC deel nie regering'
2010-01-10 22:00
Johannesburg - Die ANC sal met ander partye saamwerk maar gaan nie toelaat dat sy alliansielede saam regeer nie, het pres. Jacob Zuma gesê.
Suid-Afrika het "net een president," het Zuma Sondag tydens 'n onderhoud met SABC gesê.
Volgens Zuma sal die politieke alliansie tussen die ANC, SAKP en Cosatu "sonder twyfel" voortgaan.
"Moet egter nie konsultasie en gesprekvoering met gesamentlike regering verwar nie," het hy gesê.
Spanning binne die alliansie is aan die groei, met die SAKP en Cosatu wat al op verskeie geleenthede daarop aangedring het dat hulle by besluitneming ingetrek word.
Julius Malema, leier van die ANC-jeugliga, is verlede maand by 'n SAKP-konferensie in Polokwane uitgejou.
- Sapa