'ANC behandel kiesers soos kinders'

2012-11-14 11:32

Johannesburg – Mamphela Ramphele, voormalige anti-apartheid-aktivis, sê die regerende party behandel sy kiesers soos kinders, het The Times berig.

“... Dit sal tydens die verkiesingtyd ‘n beroep op jou doen om vir die party van Mandela te stem...” het sy gesê.

Sy het bygevoeg die ANC “sal ‘n beroep op jou doen om vir die enigste bevrydingsbeweging te stem [en] ‘n beroep op jou doen om nie vir die DA te stem nie, want hulle sal jou na apartheid terug neem.”

Ramphele meen die ANC behandel kiesers “soos kinders.”

“Ongelukkig het ons nie burgerlike opvoeding nie; waar mense verstaan dat dit onmoontlik is om terug te keer na apartheid. As jy arm en onopgevoed is, wonder jy of dit nie moontlik is of dit weer kan gebeur nie.”

Ramphele, wat die voorsitter van Goldfields is, het by die Universiteit Kaapstad se sake-skool oor die Marikana-slagting gepraat. Volgens die koerant het sy die stakings in die myn- en landboubedryf, asook die rol van vakbonde, bespreek.

Volg Nuus24 op Twitter  

- SAPA