ANC-afgevaardigdes lugtig vir media

2012-12-16 09:45

Bloemfontein – Afgevaardigdes wat die ANC se nasionale verkiesingskonferensie in Mangaung bywoon, was Sondag huiwerig om die media te praat.

Baie het gesê hulle word nie toegelaat om joernaliste te woord te staan nie.

"Ons wil nie met die media praat nie. Julle wil 'n verdeelde ANC sien," het 'n man gesê.

'n Vrou, wat anoniem wou bly, het gesê die party is gereed vir die konferensie.

Die konferensie sou om 08:30 begin.

Pres. Jacob Zuma sal sy politieke verslag in die oggend lewer, gevolg deur Gwede Mantashe se organisasie verslag.

Afgevaardigdes sal Sondagaand hul kandidate vir die ANC se topposte benoem.

Die verkiesingskommissie sal ook bekendmaak wie benoemings aanvaar het.

– Volg Nuus24 op Twitter

- SAPA