ANC: Mandela is soos Moses
2010-07-16 05:20
Kaapstad - Die ANC het Donderdag hulde gebring aan oudpres. Nelson Mandela en hom met Moses wat die Israeliete gered het vergelyk.
“Madiba is soos Moses, wie die kinders van Israel uit gevangenskap gered is en na die beloofde land geneem het. Die land van melk en heuning,” het Jackson Mthembu, woordvoerder in ‘n verklaring gesê.
“Ons salueer sy leierskap en onselfsugtigheid.”
Mthembu het ‘n beroep op Suid-Afrikaners, en die wêreld, gedoen om Sondag 67 minute van hul tyd aan diegene wat minderbevoorreg is af te staan, en Mandela se verjaarsdag te vier.
“Dit is ‘n dag wanneer almal van ons, maak nie saak watter kleur, of kulturele gelowe, as ‘n eenheid vir Madiba moet dankie sê.”
Volgens hom sou die ANC gefaal het indien hulle nie van Mandela geleer het nie.
Beamptes van die ANC, insluitend pres. Jacob Zuma, sal Saterdag in Houghton vir Mandela met sy verjaarsdag gelukwens.
- Volg Nuus24 op Twitter.
