ANC-Jeugliga se hofaansoek geskrap
2010-07-13 17:39
Kaapstad - Die ANC-jeugliga in Limpopo se hofaansoek teen die nasionale leierskap van die Liga is in die Suid-Gautengse hooggeregshof in Johannesburg van die rol geskrap, het RSG op hul webwerf berig.
Regter Jackson Mabeselle sê die saak is sonder koste van die hofrol verwyder.
Die voormalige voorsitter van die Jeugliga in Limpopo, Lehlogonolo Masoga het die hof genader om tugstappe teen hom deur die nasionale leierskap ter syde te stel. Masoga is in April tydens 'n verkiesingskonferensie deur Frans Moswane vervang.
Moswane is 'n vertroueling van die leier, Julius Malema. Masoga het buite die hof gesê 'n politieke oplossing gaan gesoek word.
- Vir die volledige storie besoek RSG.
- Volg Nuus24 op Twitter.