ACDP: Zuma kort seksterapie, nes Tiger
2010-03-18 23:30
Parlement - Die ACDP het pres. Jacob Zuma Donderdag dringend gevra om seksberading te kry.
Die ACDP het die aanmerking gemaak ter ondersteuning van Cope se mosie van wantroue teen Zuma, het ACDP-leier Kenneth Meshoe gesê.
Volgens Meshoe het die president " 'n bespotting van Suid-Afrika in die oë van die wêreld gemaak met sy sorgloosheid en herhaalde morele mislukkings."
Zuma het sy eie regering se boodskap van veilige seks ondermyn deur buitehuwelikse seks met 'n vrou te hê, sonder 'n kondoom, meen Meshoe.
"Die ACDP het die president aanbeveel om berading en seksterapie te kry, net soos wat daar vir Tiger Woods aanbeveel is," het Meshoe Woensdag in die parlement gesê.
Sy party ondersteun Cope se voorgestelde mosie van wantroue in Zuma aangesien die president nie hul raad wil volg nie, het hy gesê.
- Sapa