95 beseer in treinongeluk buite Springs

2011-01-14 19:12

Johannesburg – Sowat 95 mense is beseer in ‘n treinongeluk buite Springs, het paramedici in Gauteng Vrydagaand gesê.

“Ons het sowat 95 pasiënte. Sewe van hulle is in ‘n kritieke toestand. Die res het slegs ligte beserings opgedoen,” het Jeff Wicks, Netcare 911-woordvoerder, gesê.

Geen sterfgevalle is nog aangemeld nie.

Die presiese oorsaak van die ongeluk is ook nog nie bekend nie.

Na bewering het die ongeluk omstreeks 18:00 op ‘n brug op die Paul Kruger-hoofweg plaasgevind.

Hou Nuus24 dop vir enige verdere verwikkelinge op hierdie storie.

Is jy op die toneel? Stuur jou foto's aan Nuus24.

Volg Nuus24 op Twitter.
 

- SAPA