92-jarige vrou verkrag, vermoor

2012-09-18 14:15

Johannesburg – ‘n Twee-en-negentigjarige vrou is in haar huis in Zingonyameni, Mount Fletcher verkrag en vermoor, het die Oos-Kaapse polisie Dinsdag gesê.

Lt. Raphael Motloung sê die vrou se lyk is Vrydagaand deur die bure, wat haar gaan besoek het, gevind. Die slagoffer het alleen gewoon.

Sy is verskeie kere in die kop en bene gesteek.

Motloung sê die motief vir die moord is onbekend.

‘n Man wat in die omgewing woon is vir ondervraging ingeneem, het Motloung gesê.

Mount Fletcher is bo Mthatha, naby Lesotho.

– Volg Nuus24 op Twitter

- SAPA