9 beseer in taxi-ongelukke
2009-09-16 11:16
Durban – Nege mense is Woensdagoggend beseer in twee taxi ongelukke op Durban se paaie, het polisie gesê.
Die eerste ongeluk het op die hoek van Grey- en Leopardstraat in Durban se SBD plaasgevind toe twee taxi’s gebots het.
Vier mense het matige beserings opgedoen.
“’n Taxi het in ‘n ander taxi vasgery en vier mense is beseer,” het kapt. Joyce Khuzwayo, polisiewoordvoerder gesê.
In ‘n ander ongeluk in New Germany by die kruising van Otto Volek en Shepstonestraat buite Durban het vyf mense matige beserings opgedoen.
“Vyf mense het matige beserings opgedoen in ‘n taxi ongeluk. Dit is nie duidelik wat die ongeluk veroorsaak het nie,” het insp. Solomon Mbele gesê.
Volgens Mbele is die beseerdes op die toneel behandel.
- Sapa