85 kinders vermis in Desember

2013-01-05 11:43

Johannesburg – Altesaam 85 kinders is al as vermis gerapporteer sedert die begin van die feesseisoen, het 'n mediaberig Saterdag gelui.

Daar was 'n geringe styging in die aantal kinders wat vir die maand van Desember as vermis gerapporteer is, het lt.kol. Stephanus van Deventer aan die Saturday Star gesê.

Die aantal kinders wat in die jaar as geheel vermis geraak het, het egter ietwat gedaal.

Van Deventer is die bevelvoerder van die SAPD se buro vir vermiste kinders.

Meer as 'n duisend kinders is in die afgelope jaar as vermis gerapporteer, waarvan ongeveer 60% meisies was.

Altesaam 12 kinders is die afgelope jaar ontvoer.

"Ons moet in gedagte hou dat party van hierdie ontvoerings familie-ontvoerings was, wat beteken dat die kind deur 'n ouer sonder toesigreg geneem is ná 'n egskeiding," het van Deventer gesê.

– Volg Nuus24 op Twitter.

- SAPA