700 Nooddienswerkers in Jhb gaan staak
2011-09-10 12:28
Johannesburg – Sowat 700 nooddienswerkers (EMS) in Johannesburg gaan volgende week staak, het die munisipale vakbond Samwu Saterdag gesê.
“Daar is verskeie griewe teen die waarnemende hoof van die EMS [Tshepo Makola], soos korrupsie, wanbestuur en nepotisme,” het Dumisani Langa, sekretaris van die Johannesburgse tak, gesê.
Volgens hom beweer werkers dat Makola R100 000 se oortyd-bonus geneem het, maar aangesien hy ‘n senior-bestuursposisie beklee mag hy nie eis vir oortyd werk nie en dus word dit as korrupsie gesien.
Volgens Langa het Samwu ‘n minimum diensvlak ooreenkoms met die EMS wat ‘n sekere hoeveelheid werkers toelaat om te staak, ten spyte daarvan dat die EMS ‘n noodsaaklike diens is.
Die Stad Johannesburg was nie onmiddellik beskikbaar vir kommentaar nie.
– Volg Nuus24 op Twitter
- SAPA