70 000 kinders in SA het MIV/vigs
2011-03-17 14:10
Bloemfontein – Sowat 70 000 Suid-Afrikaanse kinders het MIV/vigs en benodig antiretrovirale behandeling, het Aaron Motsoaledi, minister van gesondheid, gesê.
Motsoaledi het Donderdag die Pelonomi-hospitaal in Bloemfontein besoek om besprekings met plaaslike gesondheidsbeamptes te hou.
Volgens Motsoaledi probeer hy vasstel of die regering se gesondheidsprogramme, soos die antiretrovirale-program, geïmplementeer word. Die doel van sy besoek is ook om vas te stel of bestuurders hul werk doen.
Motsoaledi sê MIV/vigs is Suid-Afrika se grootste gesondheidsprobleem.
Volgens die minister het die land R4,2 miljard vir die program.
Volg Nuus24 op Twitter.
- SAPA